ZHGËNJIMI I AMBASADORIT AMERIKAN – esè, K.Traboini,
Pantheon Books 2012
Libri ndahet në katër kapituj me trajtesa sipas
problematikave që rrok këndvështrimi i autorit. Hapet me
esenë që i jep titullin librit “Zhgënjimi
i Ambasadorit Amerikan”, shkrim ky i përkthyer edhe në anglisht “The
Disappointment of the U.S. Ambasador”. Në
kapitullin e dytë: “Histori me histeri
nuk shkruhet” mbartet shqetësimi qytetar për politika personale nga pozitat
e pushtetit, herë-herë imponuese sa të krijojnë përshtypjen e reminishencave me
të kaluarën e trishtë ku gjithçka në jetën e njeriut imponohej nga lart me
dhunë. Trajtohen edhe probleme të figurave historike apo lajthitjeve të
historianëve të cilët anipse jetojnë në një kohë tjetër nuk dalin dot prej
skemave konceptuale atavike të së djeshmes.
“Brainwashing-
trushplarja” është kapitulli tjetër me esè në të cilin trajtohen efektet e
mbrapshta të politikës dhe medias mbi
njerëzit, të cilët ndodhen nën një
presion thuaj të përditshëm të propogandave partiake, sikur çdo ditë e vitit
dhe çdo orë e ditës të jetë një fushatë demagogjike zgjedhjesh, apo paradokset
e moskuptimeve të krahëve të politikës, ku e djathta del me parulla majtise dhe
e kundërta, sepse asnjë krah i politikës nuk ka një program të qartë dhe ky
kaos politik krijon efektet e veta edhe në popull ku me shumë se njerëz që
përkrahin ide, shfaqen thjesht fansa liderësh partiakë.
Fragment nga gazeta “Tirana Observer” nr. 1023(2223) f.16, 9 shtator 2012
Fragment nga gazeta “Tirana Observer” nr. 1023(2223) f.16, 9 shtator 2012
Libri ka 194 faqe e kushton
700 leke/10 $/ 10 €/
